[歇後語](部份附注解)

神仙放屁…………………不同凡響
竈君返天…………………直報
竈君跌落鑊……………...精(蒸)神
三元宫土地................惜(錫)身
坭菩薩過江……………...自身難保
閻王嫁女………………...搵鬼要
皇帝女…………………....唔憂嫁
屎坑三姑...................易請難送
筲箕冚鬼…………………一窩神                     蛇老鼠一窩
摟(壬)妹揍仔.............人家貨                    摟(音:陰平). 摟(壬):半遮額之前額頭髮. 摟(壬)妹:未婚女子
扁鼻佬戴眼鏡………....冇得頂
補鞋佬…………………….一撦到口                 性急
蒙古佬打仔………….....大汗[扌沓](沓)細汗
光棍佬教仔………….....(蝕)底咪制               便宜莫貪
三水佬睇走馬燈..........陸續有蒞
人老珠黃………………….冇藥醫
花旦梳頭...................唔洗髻(唔使計)
大花面撨眼淚……….....離行離迾
賊仔入學堂…………..碰埋都係書(輸)
細路仔剃頭………………好快                      本意安慰小孩.引伸用作安慰語
啞仔食黃蓮………………有苦自己知
缸瓦二打老虎…………..盡掟一[缶咅](音:煲)   孤注一擲
陸雲庭睇相………………唔衰捰嚟衰
梁蘇記牙刷………………一毛不拔                吝嗇(孤寒)
壽星公弔頸………………嫌命長
二叔公割禾………………望下橛                    割禾是手抓禾腰部.割禾腳(離地寸把.)故稱望下橛(下部).借喻為望下次
盲公布袋………………….自開自解                自我勸慰
兩公婆見鬼………………唔係你就我
老公撥扇....................悽(妻)涼
老婆擔遮....................陰功(公)
老姑婆相睇………………咪咁心頭高             假借裝胸作勢.引伸勸喻別奢望
梳頭婆開工………………出計(髻)
寡冇婆死仔………………冇指(子)望
蜑家婆摸蜆………………第世(篩)
肥婆坐[塔] ……………...tuptup[兼攴] (音:冚)   剛剛合適
和尚擔遮.....................無法(髮)無天
和尚食狗肉………………一件污.兩件穢         做得一次便不怕第二次
阿婆行路…………………..[走童](中)[走童](中)哋   [走童]:前傾身子走勢
阿媽(鬧)女……............七緡(音:蚊)               賣女得七緡.不足補償養育成本. 意:蝕本貨. 引伸:賤人
阿超著褲…………….......侷住
阿茂整餅………………….無嗰樣整嗰樣
阿駝賣蝦米………….....大家都唔扂
阿坤洗鑊………………….內外都唔乾淨
阿均賣大頭(魚) …………好唊(噏)唔唊(噏)           阿均擔魚去市場.一路上.魚口頻張合.到了市場擺賣時.魚不張口.
                                                                                 本意是應噏(張口)唔噏.引為應唊(講)唔唊.好唊唔唊
阿聾送殯…………………唔聽支笛
狗上瓦桁……………......有條路
狗咬龜…………………….冇晒符
狗咬呂洞賓………….....不識好人心(蔘)
煠熟狗頭……………......牙噬噬
水瓜打狗……………......唔見一橛           一橛 : 一段
老虎打種……………......一次過
(镼)尾龍拜山……………搞風搞雨           相傳有小孩養蛇.數年後成大蟒.經常盤繞在門前.所有來訪親友無不驚怕.                                                                                經常要主人喝退 才走閞.有次主人連喝 兩聲.蛇不動.主人覺煩. 手起刀落.
                                                                          斬其尾.喝走大蛇.此蟒一沖上天.於半空停留.回頭向主人三叩頭.騰雲去也.
                                                                          人稱(镼)尾龍.主人壽終後.往後年年清明前後.若颱風至.後人傳言(镼)尾龍
                                                                          回鄉拜主.     搞風搞雨 : 喻為搞事
牛噍牡丹……………......唔知花定草
胭脂馬…………………….難騎
生螆貓………………......入眼                   一見鍾愛
貓哭老鼠…………….....假慈悲
老鼠過街...................人人喊打
老鼠跌落天平............自己稱自己
老鼠拉龜……………......冇埞(埋)手
老鼠尾生瘡………….....有限大
老鼠[走卷](音:捐)風箱…兩頭受氣
跪地喂豬乸…………......睇錢份上
虱乸擔枷………………….冇埞走
盲頭烏蠅……………......亂咁撞
烏蠅(摟)馬尾……………一拍兩散           此尾實非尾.原指另一物.手一拍.(尾)縮烏蠅走.兩散也.為避不雅之嫌
                                                                           改之為尾.喻為雙方沒好處
黃鱔上沙灘.................唔死一身潸(音:孱)
黃皮樹鷯哥……………….唔熟唔食
黃腫腳……………………..不消提(蹄)
白鴿眼………………........睇衰人
甩腳白蟻…………….......死剩把口
甩繩獁騮…………….......冇王管
田雞過河.....................各顧各              (咯咯咯)
死雞撐飯蓋…………......死撐
雞食放光蟲…………......心知肚明
雞撈鴨……………………..冇答霎
酒樓鴨……………………..食得一嵗(膵)得一嵗(膵)   喻為有快樂時且快樂.今朝有酒今朝醉.別顧慮重重
倒掛臘鴨……………......滿嘴油
風前臘鴨……………......隻絣隻             一個配一個
莎蟬落地……………......冇聲出
蜜蜂無王……………......沙咁散

蘇州過後…………….....冇艇搭
潮州音樂…………….....自己顧自己(嘰嘰咕嘰嘰)
新加坡賣蔗…………....懶劋(音:穌)(囌)        劋(音:穌) : 㓟(音:批)      囌 : 睬
市橋蠟燭…………….....假細心            市橋鎮所造之蠟燭.支竹露出部削成幼細狀.為怪蠟料.蠟燭內部支竹實際粗大.
                                                                       故稱假細心.借喻人性.
肇慶荷包…………….....駝衰人            以前女性所帶錢財多用手帕包裹.自從肇慶有繡花荷包.大受女性喜愛.
                                                                       不少女子都帶繡花荷包出街.但多數荷包錢財很少.為體面而內藏草紙(手紙).
                                                                       故謂駝衰人. 駝衰人轉喻為累人也.
沙灣燈籠…………….....何苦(府)


死人燈籠……………......報大數                死人燈籠寫上死者壽數加三:本人嵗數再加一嵗.再加天一嵗.再加地一嵗
                                                                               (有說是未足六十者不加.未敢證實)
幡竿燈籠……………......照遠唔照近
牛皮燈籠油黑漆……..點極都唔明
五十斤柴……………......一樂(笿)也            竹笿(音:落)  : 方便擔負之盛載工具
八十嵗翻頭嫁………....搵路行                    本意是走回頭路.轉喻為走冤枉路
千里送鵝毛………….....物輕情重
年三十謝竈………….....好做唔做              年三十竈君返上天宮.會將你一年內所有言行舉止一一上報.人誰無錯
                                                                           既有錯.則不應謝.而你還去謝.豈非好做唔做?
[氵戽](音:富)水入船.......漚爛木

這幾句歇後語較難明白, 希望版主說明一下?

1阿媽(鬧)女……………七緡(音:蚊)
是否阿媽教女---陰聲細氣

2阿均賣大頭(魚)……….好唊(噏)唔唊(噏)
是否阿均賣大頭(魚)---口噏噏

3阿崩劏羊………………冇得ngel
是否阿崩劏羊---冇偈傾 [一般人劏羊前要念佛偈的]

謝謝版主! 明白了!

歇後語雖然是前人創製, 太不合理或費解的,我主張修改一下或重寫!
所以, 我作了一些修改:

阿崩劏羊---冇偈傾

阿崩賣魚頭---口噏噏

另外兩句也很費解的!
4屙屎落衭瓤---捰身鬆???

暫修改為: 屙屎落衭瓤---唔知幾丑[臭]

5瓷器棺材---唔漏汁???

暫修改為:瓷器棺材---唔釘[死]得

謝謝版主解說! 明白了!

側聞聯合國已經將[廣州話]列入世界七大語言!
所以, [廣州話歇後語]有推廣的價值!
如果版主同意的話, 我會另發新帖,
按筆劃編製[廣州話歇後語總匯], 好嗎?

年尾煎[食追](音:堆)…..人有我有
神檯桔………………........陰乾                  神檯桔在年卅擺放(新鮮).一直擺到翌年底(年卅)才去舊納新.
神檯貓屎……………......神憎鬼厭
隔亱油條……………......冇釐火氣
鹹蛋滾湯……………......心都實曬
茶瓜送飯……………......好人有限
豉油(撈)飯……………….整色水
十月蔗頭……………......甜到尾
十月芥菜……………......起心
番薯跌落風爐……......該煨
苦瓜煮鴨……………......苦過di4di2            di4di2.本是養鴨人呼叫鴨時口語聲.再轉為鴨子代名
清水煠牛鞭………….....淡(牟)(牟)
涫水瀹豬腸………….....兩頭縮                轉喻為兩失利
涫水瀹腳……………......跂唔耐
食豬血.屙黑屎..…......立即見功
鬍鬚貼膏藥……………..毛病不少
屙屎落褲[衤囊]................捰身鬆                意 : 不顧全面性.頭痛醫頭的做法.引伸為不顧後果
[月羅][尸酉]生瘡…………..冇眼見
纏腳布……………….......又長又臭
屎坑石……………….......又臭又硬
屎坑關刀……………......文(聞)唔得.武(舞)唔得
玻璃風領…………………包頂頸                 風領 : 罇領(長頸衣領). 包頂頸原意一定是頂住脖子.引伸喻為包呦頸
火燒旗杆……………......長歎(炭)
火燒棺材……………......大歎(炭)
濕水欖核……………......兩頭擳
濕水砲仗……………......唔到肚                原指水難滲入心
濕水棉花……………......冇得彈
山草藥……………………..唊(罯)得就唊(罯)             唊 : 講話          罯(音:唊) : 敷
牀底踢毽…………………大家咁高
牀底破柴…………………撞大板
船上放屁…………………公道人(攻艔人)
除褲放屁…………………多此一舉
花被冚雞籠……………..表面光鮮
光棍遇著冇皮柴………鬥滑
硬地塘遇鐵掃把………硬鬥硬
單料銅[缶咅](音:煲) ………..一滾(涫)就熟
銅盤裝涫水……………..三分鐘熱度
師姑鉤……………………..鉤入唔鉤出
冇鉺皮匧(音:喼) ...........靠托
冇柄茶壺…………………得把口
斷柄鋤頭…………………冇摣拿
斷橛禾蟲…………………一橛橛
生蟲拐杖…………………靠唔住
紙紮下巴…………………口輕輕
竹織鴨…………………….冇心肝
火麒麟…………………….周身癮(引)              火麒麟 : 傳聞有一種煙花類.混身火藥引
燒壞瓦…………………….唔啱疊(音:沓)
水浸缸瓦舖…………….盤滿缽滿
水浸眼眉...................死到臨頭
火燒廟堂…………………妙哉(廟災)
飛機失火…………………銷魂(燒雲)
密底算盤…………………冇漏罅
瓷器棺材…………………唔漏汁                木棺有縫.瓷器棺材箱沒縫.所以瓷器棺材唔漏汁.
                                                                      引為捨不得給人家任何好處.唔益人
擡棺材攋褲……………..失禮死人
買棺材唔知埞………….唔知死
買鹹魚放生…………….不知死活
沿路撒溪錢……………..引死人
電燈杉掛老鼠箱……..唔相襯
木槌打樁…………………兩頭撻
南風入袋…………………鹹夾濕
風吹雞蛋殼……………..財散人安樂
古老石山…………………唔化
櫎榔樹…………………….一條心
塘底杙(音:特) ……………水乾浦頭               杙 : 地面突出短柱.
生白菓…………………….腥夾悶
白撞雨…………………….讚(灒)壞人             白撞雨 : 陽光普照忽然下小陣雨.此謂白撞雨
生骨大頭菜……………..縱(種)壞
青磚沙梨…………………咬唔入
打腫面…………………….充肥仔
撦直雉雞尾……………..威到盡

       謝謝
戴樹明.潘倫山老師提供:

趙匡胤............大餸王 (大宋王)              大餸王 : 粵人稱用膳時多吃菜少吃飯者
茅根竹............借水     (蔗水)                 借水    : 借錢
                                                          茅根竹蔗水 : 清涼飲料
船頭尺............度水                               度(音:鐸)水 : 原意量度水位.諧音借或籌款
鹽倉土地.........鹹夾濕
日本鬧鐘.........大聲夾冇準

(黃霑創)鬼佬食中餐................冇叉用           冇叉用 : 冇X用.冇Q用.冇鬼用
                                                                    X : *(音)叉   *器官

(自創)
百鳥歸巢..................巴吱 [口卉]                 [口卉] (音:閉)

水鬼陞城隍..............神又佢.鬼又佢

韶關落啲……………..英德(應得)

老鼠偷油...............起尾注

補充
周身刀...................冇張利
燒豬頭...................熟口熟面
膝頭對上...............髀(畀)

電燈膽………唔通氣
柴可夫………司機
日本首相…...左踲(滕)右踲(滕)
笑(騎騎)………放毒蛇
識少少………扮代表
周身喐………扮忙碌
靜雞雞………認低威
出嚟威………識搶咪
趁佢病………攞佢命
(印印)腳…….等人約
吹吹水………唔抹嘴
有早知………冇乞兒
早知燈係火.唔使隨街摸
打爛砂盤璺到[尸豖]
人結人緣.賊劫火灰船
水上爬龍船.岸上人有見
逆水行舟.不進則退
猛火炸煎[食追](音:堆).皮老心唔老
好柴燒爛竈.好心冇好報
咁啱得咁(蕎).飛機撞紙鷂
一個話梅兩個核.今時唔同往日
青筋[才斑]鼻樑.無事咺 (音:喊) 三場
人結人緣.賊劫火灰船
唔窮唔教學
唔餓唔捋鑊
三個女人一個墟  

戴樹明老師提供:

油炸蟹......弶(音:耕6)手弶腳
反轉蟹......搲手搲腳
禾雀仔......冇隔夜糧
石狗公......充班
拆模板......鬆頂                             鬆頂 : 走人
賣貓佬......貪口慣
打齋鶴......渡人升仙                       引渡他人上賭癮
塘邊鶴......一啄即走                       等有機會下細注.一贏即走
炒牛奶......呢鑊(傑)
紙紥老虎..............得棚牙
豬乸打交..............大咬耳               大塊朵頤
刀切豆腐..............兩面光
嚤囉差拜神...........望天
生蔥撈豆腐...........一青二白
禾蟲煲蓮藕...........出又死.入又死
醉酒姑娘揍仔乸.....爛笪笪
盲公貼符…….........倒貼
盲公生盲仔…........冇眼睇
二叔公掘芋頭.......連仔帶乸
老水瓜.................大把銀                本意是大把仁. 此"仁"核也.籽也.仁銀音近同韻.借音借喻
冇牙佬食湯圓........直落
剃頭佬教仔...........有得刮就刮


   

鄭國銳老師提供:

琉璃油...............浦晒面             拜神之琉璃燈油浦上面     浦(音:袍):浮
外江佬死獁騮.....冇得還鄉          外江佬玩死了獁騮.還不得鄉


工人醫療所(司打口分所)冰姐提供:

黑鬼屙尿......烏sir sir

剥殼雞膥.......又白又滑

膥(音:春) ： 蛋
剥殼雞膥 : 形容白白淨淨嘅細(蚊)仔

彭祖尿壺……老鬼積
老積 : 少年老誠